t Was weer tied veur n beetje zun op d hoed. Zoas elke zxf6mmer gung Geert mit zien vraauw n poar weken noar de zunne. Gewoon wat loiern, lekker eten, potje bier, glasje wien en zuks wat. De leste joaren gungen ze noar Mallorca. Aingoal noar t zxf6lfde hotel. t Eten was goud en t was der lekker rusteg, mor wel aaltied slim gezelleg . En t lag ook nog ais vlak bie t strand en ale andere vermoak.

t Hotel har ook vief koamers op t dak mit veur elke koamer n roem dakterras. Penthouses nuimden ze dij koamers.

Vleden joar har hotelholder beloofd dat ze dit joar zon dakkoamer kriegen zollen.

Hai har woord holden.

Geert dee terrasdeure open en stapde t pladde dak op. Aan ander kaande weg lag t strand.  

Middelandse Zee was zo blaauw as e mor weden kxf6n.

Aan baaide kanten was t dakterras ofschaaiden van de buren. De eerste meters n manshoog schaarm en wiederop n hekje van mor zuneg n meter hoog. Buren aan weerskanten zatten under n parasol te lezen.

Dou Geert goidag zegd har, kwammen ze aan de proat. Ain stel kwam oet Gaiten en t andere oet Emmer-Compascuum

t Leek n mooie vekansie te worden. Overdag trokken Geert en zien vraauw der op oet of ze gungen noar t strand. Noa t oavendeten aan de kuier. En netuurlek even woaraargens zitten um wat te drinken. Soavends loat was t nog lekker waarm op t dakterras. Buren zatten der maisttied ook en t was zo mor ain uur veurdat ze op berre laggen.

Noa n weke gung Gaiten weer noar hoes. Emmer-compascuum bleef nog.

Dou Geert en zien vraauw dij nommerdag van t strand weer in t hotel kwammen, stxf6nden der twij knuppels van n joar of twinteg bie de balie. Op de grond twij rugzakken en n droagboare radio van extroa groot formoat.

x93Dat zal toch nait henx94, heurde Geert zien vraauw zeggen.

Mor t was wel zo.

Zie zatten nog mor zuneg op heur terras of deure van Gaiten gung al open. Baaide jongkirrels dij ze net beneden zain harren.

x93So buurman, is et een beetje geselleg hiero?x94

Geert zee dat t slim gezelleg was, mor veural ook lekker rusteg.

x93Nou dan salle we daar es wat extra aandacht an bestedex94.

Geert zee dat e alles goud von, as e der mor gain last van har.

En dat e t geern rusteg holden wol.

Dij oavend was t inderdoad slim rusteg. Knuppels warren op stap.

Mor um drij uur was t oflopen mit de rust.

Zie wxf6rren wakker van lewaai op de gaange. Gehaauw mit deuren en geroup en gebxf6lk.

x93Mxf6rgen proat ik wel even mit dij jongesx94, zee Geert. x93t Zal non wel zo oflopen wedenx94.

Dat was ook zo, totdatx85

Zie sluipen net weer dou ze weer wakker wxf6rden van geproat. t Kwam van boeten. Geproat, non jax85 geproat. As t nait slimmer wordt, doch Geert.

Radio gung ook aan.

t Swoare gebonk en t gebler van ain of andere zanger knalde bie heur noar binnen. Nije buren zongen op volle staarkte mit.

Geert vloog van berre of en stapde in zien onderboksem t dakterras op. Emmer-Compascuum stxf6n der ook al.  Geert mxf6s haard roupen um boven t lewaai oet te kommen.

x93Wat is ter buurman. Niet jouw musiek? We kenne wel wat anders draaie hoorx94.

x93 t Ainege wat ik wil, is dat dij meziek oet gaait. En ook gain geproat hier op boeten. Wie willen sloapen en mien buurman hier ookx94, zee Geert en wees op zien andere buurman.

x93O, nou we dachte dat je wel wat gesellegheid woux94.

x93Joa, zee Geert, mot nait midden in de nacht. Ik heb die vandoage overdag ook al zegd dat wie t hier rusteg hemmen willen. Ik woarschaauw die non nait weerx94.

Radio gung oet en de jonges noar binnen.

Doags der op lag Geert op zien strandbedje. Hai mxf6s denken aan wat der dij nacht gebeurd was en muik zuk der weer kwoad over. Hai zol as t weer gebeurdex85

Eerst de ogen mor even dichtx85. wat sloap inhoalenx85

x85hai kreeg ter mit buurman over. En veur de zekerhaid pruit e ook mit de andere bewoners van de dakkoamers. Elk en aine von dat zuks wat nait kxf6n. Zie zollen mekoar haalfstoan as t weer begunde.

Hai heurde t spul al weer aankommenx85

t Zxf6lfde as de nacht der veur. Mit dit verschil dat der non ook vraauwenstemmen klonken.

Radio weer op volle staarkte.

Geert en buurman trovven mekoar boeten. Zie sprongen over t hekje van de nije buren. Der kwammen nog meer buurmannen kwammen bie.

Twij wichter en baaide jonges laggen op metrazzen op de grond. Drank der bie.

t Zol bliekboar slim gezelleg worden.

Geert pakde de radio en smeet hum van vief hoog noar beneden.  

Twij andern luipen noar binnen. Zie kwammen mit n dikke aarm vol klaaier weer noar boeten. Ook over de raande.

x93Zox94, zee Geert. x93Dit was plan aine. As t weer gebeurt pakken wie plan twij der biex94.

Jonges warren zo verbaldereerd dat ze niks zeden. Wichter ook naitx85

Zien vraauwx85 dij zee wel wat. Hai wol zeggen dat ze mor weer op berre goan mxf6sx85

n stxf6t in zien ribbenx85 of e ook wat drinken wolx85 enx85

x93doe most in de schare liggen goan, hest t swait ja blank veur de kop. t Is veul te waarm um zo in de glxecnne zunne te liggenx85x94

Geert kwam mit muide umhoog van zien bedje. Eerst t woater mor even in. Eindje zwemmen.

De jonges harren de leste woarschaauwen van Geert goud oppakt.

t Is wieder n mooie vekansie worden. Lekker rusteg ook.

Haalf juli. t Beloofde n waarme dag te worden.  

Geert zien oma stxf6n veur de spaigel in veurkoamer. Zie har heur zxf6ndagse klaid aan en was heur laange hoar aan t kammen. Noa t kammen rolde ze t op en muik ze der knoedel van.

n Handdouk over heur scholders mxf6s veurkommen dat heur klaid nait under de hoaren kwam.

Opa lag vanoet de bedstee te kieken hou of ze zuk schier muik. Hai lag zuk zxf6lf moud in te proaten um der ook oet te kommen. Der mxf6s vandoage heud worden en doar har e nait veul zin aan. Zien striepkoren boksem en zien blaauwe boezeroen laggen op stoule.

t Was n biezundere dag, want Keunegin zol in t dxf6rp kommen.

Oma wol der op fietse hen um te kieken. Eerst bie heur dochter kovviedrinken en dan, noa de middag, mit zuk baaiden noar keunegin.

Zie har heur nog noeit zain. Joa, op n foto, mor wieder nait.

x93Meschain goa k ook wel even kiekenx94, klonk t oet bedstee. x93Zie komp hier ja toch langsx94.

x93Astie mor fersounlek aantrekst. k Wil mie nait schoamenx94.

Dat kwam wel goud, zee opa.

t Was aiglieks te waarm veur t waarken op t land. Opa har n strohoud op en um de zoveul tied veegde hai zuk mit zien rode buusdouk t swait van de kop. Hai har zien striepkoren boksem  oettrokken en was in zien laange onderboksem in de weer. Der was toch gain mens dij t zag. En al kwam der toch aine, dan kxf6n t hum nog niks schelen ook.

Tegen de middag smeet hai n beste vxf6rke heu under n boom en gung doar, lekker in d schare, zitten um zien stoede op te eten. Dou e t op har schoekelde hai zuk wat beter hxe8n.

Tied um even d ogen dicht te dounx85

n Dik uur loater schrok e wakker. Zunne scheen hum in d ogen. Hai trok zien allozie tot vestbuutse oet en zag dat t al sikkom twij uur was.

Wat was der ook al weer. Wat wol e ook al weer. Hai was t kwiet.

In de wiedte heurde hai wat aankommen over de stroate. Motoren, autox92s. Keunegin!

Opa vloog umhoog. Zie kwam der al aan. Woar was zien boksem? Wus e nait.  Dan mor zo. Gain tied te verlaizen. Hai greep zien fietse en stoof over de zandweg noar de stroate. Hai was nog mor zuneg op tied. Behaalve opa was der gain mens um keunegin tou te zwaaien. Elk en aine was netuurlek noar t dxf6rp. t Spul kwam de bochte al um.

Hai veegde zuk nog ain moal t swait van de kop en zedde zien houd recht.

Zien rode busdouk har e um zien nekke knupt en zien blauwe boezeroen hong over zien widde – non ja widde – onderboksem. Hai har zien swaarte sokken hoog optrokken. Opa gung in de holden stoan, zo as ze hum dat vrouger in dainst leerd harren.

Keunegin zag hum stoan en zee wat tegen chauffeur. Dij remde n beetje of dou ze veurbie reden. Keunegin laagde en zwaaide vrundelk noar opa. Opa vergat um ook te zwaaien. Dou ze al n ende wieder was stak e zien hand nog even op.

Mor weer aan t waark. Dou oma der um vaaier uur aan kwam was e sikkom kloar.

x93Hou wast, hest keunegin noch zain?x94 vruig opa.

x93Joa, ik heb heur zain, mor meer ook nait. Mit zoveul volk vuil t nait mit. En doe dan?x94

x93Joa, ik bin hier even noar de stroate reden. Zie remde nog veur mie en zwaaide ook nogx94.

x93Hast dien boksem toch wel even aantrokkenx85?x94

Zie dus t hoast nait te vroagen.

x93Nee, dat bin k vergeten. Non ja, vergeten, ik kxf6n hum naargens vinden. Mor zie keek der hail nait noarx94.

x93Man, wat hest mie non toch weer doan. Wat n schaande. Wat mout ze wel nait van ons denkenx94.

x93Och wicht, moak die toch nait zo drok. Heur aigen kirrel zal ook wel ais in zien onderboksem lopenx94.

x93En toch heurt zuks wat naitx94, was oma heur leste woord.

Joaren loater. Opa was mit pensioen. Boerderij was verkocht en zie harren non n hoeske mit n lapke grond dicht bie t dxf6rp. Zie harren zuk ook n televizie kocht.

t Was september. Prinsjesdag. Opa en oma zatten veur de televizie. Dou de golden koetse in beeld kwam schoot opa overende.

x93Non most toch ais kiekenx94, zee e. x93Kiek ais noar dij kirrels dij noast koetse lopen. t Liekt ja net of ze aal in heur onderboksem lopen. Kiek dij blauwe jaskes mit dij rode kroagen. En dij swaarte stevels. Hestie dou veul te drok moakt. Keunegin het gewoon docht dat ik ain van

heur lakeien was. Non doe weerx94.

Oma verslook zuk hoast in heur oranjebitter en opa klopde heur laagend op de rugge.

Zxf6ndag. Droaverijen op de boane in t Stadspaark. Doar kwam maisttied veul volk op xf2f. Geert en zien collega harren dainst en mxf6zzen der wat touzicht holden. t Was aaltied n hail gedou mit parkeren. Parkeerploatse was groot genog, mor lu wollen de auto t laifst zo dicht meugelk bie de boane zetten, mor doar was nait veul stee. Zie reden mit motor wat rond en stuurden lu vot dij aanstalten muiken um op n verkeerd stee te parkeren.

Geert har ook al n kirrel votstuurd dij zien dikke mercedes vlak bie de ingang zetten wol. Dou e der even loater weer langs ree, stxf6n dij auto der toch. Der warren aaltied lu dij der wel n bekeuren veur over harren. Dizze schienboar ook. Boetendes stxf6nden baaide veurwielen midden in n paark violen. De auto was ain van de diksten in zien soort mit widde leren beklaiden. Bonne wxf6r schreven en under de roetenwisser plakt. Geert zien kelegoa wus te vertellen dat e dizze vedde bak doar ook al n poar moal eerder bekeurd har. Dudelk aine dij nait um liek wol. Of mxf6s t hum gewoon wat dudelker moakt worden dat e hier nait stoan mxf6gx85?

n Uur of wat loater was t peerdjerennen oflopen. Kirrel van de mercedes was ain van de lesten dij noar boeten kwam. Hai was n joar of viefteg. Hai har n laange gele overjaze aan mit n wit pak en swaarde bloeze, dij tot zien navvel a tou open stxf6n. n Dikke golden ketten hong over zien hoarege borst. Zien vedde hoar was gitswaart. Dudelk vaarfd. Aan elke aarm har e n vraauw hangen. Soamen meschain net zo old as kirrel zxf6lf. Hoogblond hoar en dik in de vaarve. t Paasde aal wel persies bie mekoar. Hai was schienboar hail wat van plan. Dou ze bie de auto kwammen zag kirrel de bonne. Hai trok hum under de roetenwisser vot, en luit hum gewoon op de grond valen. x93Zo doun we dat mit dij flaauwekul. Volgende keer schrieven ze wel weer aine oetx94.

Vraauwlu mxf6zzen laagen en keken hum vol bewondern aan. Mor dou zag e dat zien auto n beetje veurover hong. En hai zag ook twij luciferholtjes dij in t ventiel van de veurbanden stoken. De dikke braide banden warren leeg lopen. Kirrel trok blaik weg. Noar de vraauwlu huil ze zuk groot: x93Goa mor in d auto zitten. Ik bel mien garageholder wel evenx94. x93Most ais goud luusternx94, zee d aine x93goa der zxf6lf mor mooi in zitten, wie hemmen wel wat beters te dounx94. En weg warren ze.

n Eindje wieder zatten twij plietsiemannen op motor te kieken. Dou ze genog zain harren reden ze vot. Kirrel ruip heur nog noa, mor zien heurden hum nait. Nee, netuurlek nait.

Edo was t zeuntje van Geert zien bruier. Veul te dik, mor doar warren zien medicienen de oorzoak van. Hai har der wel muide veur doan um xf2f te valen, mor dat was op niks oetlopen. Op de legere school was der noeit n probleem west en in de brugklazze ook nait. Mor non warren der n poar miesgasters dij hum t leven zoer muiken. Dikkop en vetpenze warren de maist vrundelke woorden dij e te heuren kreeg.

Hai von t nait mooi. Netuurlek nait.

Mor Edo was n goudzak dij t aal gewoon over zuk hen kommen luit. Dit was nait noar de zin van de drij knuppels dij t schelden op heur gewaiten harren. Dij wollen n reactie zain op heur mizzelke gedrag. En umdat dij reactie nait kwam gungen ze n stap wieder. Zie harren hum al n poar moal hail vilain mit n spelle stoken. Ook gungen ze aalgedureg op zien tonen stoan. In hoes zee e niks. Baange dat zien pabbe noar school goan zol um der over te proaten. Baange ook dat t dan nog slimmer worden zol.

Edo begunde slecht te eten en har gain zin um noar school te goan. Hai begunde zuk onzeker te vuilen. Zien olders kregen t in de goaten. Zie pruiten der mit Edo over, mor dij muik heur nait wiezer. Dan mor ais mit meester proaten.

Meester begreep eerst nait wat d oorzoak weden kxf6n, mor goandeweg t gesprek huil e zuk in ains stil en begunde te prakkezaaiern. x93Joax94, zee e. x93Joa, t kan toch weden dat ik t begriep. Ik heb n poar moal zain dat Edo wat vrxf6md reageerde as der gounent bie hum in de buurt warren. Net of ze hum zeer deden. Mor k zag dan wieder niks biezunders. Bliekboar gung t hail geniepeg. t Warren wel aal dezxf6lfde drij jonges dij dan bie hum stxf6nnen of bie hum langs luipen. Ik zal t ais in de goaten holdenx94.

t Duurde mor n poar doage. Dou belde meester Edo zien pabbe op. Hai wus t non wizze. Edo wxf6r pest. Hai har ook al mit dij jonges proat en zegd dat e t oeterstee nait hemmen wol. Hai hoopde dat t holpen har. t Huilp. Twij doage. Dou begunde t weer. Boeten de school. Edo wol der nog aal niks over kwiet. Zien olders zaggen dat Edo t stoer kreeg.

Zien pabbe kreeg ter mit Geert over. Geert waarkde in dij tied bie de kinderplietsie. Hai wus wat veur gevolgen pesten veur kinder hemmen kxf6n. t Begrode hum van zien neefke. t Luit hum nait lxf6s.

x93Pestenx94, zee Geert n dag of wat loater tegen Edo zien pabbe, x93is n gebrek aan respect veur degene dij pest wordt. En sums binnen der gounent dij dat gevuil veur respect wat beter bie brocht worden mout. Ik bedoul, dat dij knuppels ais n stxf6t in de goaie richten kriegen mouten. Dan begriepen ze t meschain wat beterx94. Hai legde Edo zien pabbe persies oet wat of e doar mit bedoulde. Dij twievelde, mor von t goud dat zien bruier der mit Edo over aan de proat gung. Geert muik roemte bie hum op beune. Doar is e dou maineg moal mit Edo in de weer west. Veul doun. En nog veul meer proaten.

n Week of wat loater was Edo der kloar veur. Hai vuilde zuk veul zekerder en stroalde dat ook oet. Zien beloagers harren dat nait in de goaten. Edo huilp heur op glee: x93Heur ais jongesx94, zee e, x93dat gepest mout xf2flopen weden. Ik neem t gewoon nait langer. t Is mor dat je t waitenx94. Zie keken hum verboasd aan. x93k Wait nait woar of e t over hetx94, zee aine en keek zien kompoanen aan. Dij gnivvelden wat.

Um haalf vaaier ree Edo noar hoes tou. Zien beloagers stxf6nnen hum achter n hege op te wachten. Dou Edo veurbie ree stook aine n stok in zien veurrad. t Gevolg luit zuk roaden: Hai vloog mit fietse over de kop. Zere handen en kepodde knijen. Edo kroop overende. Mit zuk drijen stxf6nnen ze liek veur hum. x93En wat wost non danx94, zee aine. Edo zedde zien rechtervout schuuns noar achtern zodat e steveg stxf6n. x93Dat zal k die zain loatenx94.

Mit d open haand noar veuren gaf Edo hum n haarde stxf6t mit de moes van zien haand tegen de borst. d Jong vloog achteroet in t stiekeldroad. Grode winkelhoake in zien jaze. De twijde kreeg n veniendege trap tegen zien schenen en vuil rerend op de grond. De daarde muik bainen.

Edo pakde zien fietse en ree vot. Hai begunde te schraiven. Twij stroaten wieder stapde hai xf2f. t Was aal snxf6t en kwiel. Hai schokde der over en mxf6s vrezelk spaaien. Mit fietse aan d haand gung e op hoes aan. Eerst strampelnd, mor al gaauw gung t beter. Dou e bie hoes kwam luip e fier liek overende. Hai stroalde der over.

Mxf6rgen weer noar school!

Zien haile leven woonde hai aal op t oal stee. Drai joar heer was zien vraauw overleden. Tachteg was ze worden. Het bedrief har e joaren leden al verkocht. n Poar bunder gruinlaand was der nog over. Doar har e wat peerden op lopen. n Stuk of wat wichter oet de nijbaauwbuurt kwammen doaglieks um de peerden te verzxf6rgen. Dus doar har e hoast gain umkieken noar.

Mor t begunde hum toch te veul te worden. 

Hai was nog goud vereg hor, doar nait van, mor hai wol t gewoon wat makkelker hemmen. En dou kwam der op n dag n kirrel bie hum aan deure. n Vlxf6dde vent van n joar of datteg. Gries pak, wit overhemd mit n sangenkleurege strik. Hai was moakeloar zee e. Of e ais mit meneer proaten kon. Berend har gain idee wat of e wol. Mor hai har net kovvie zet en har wel even tied.

t Hoge woord kwam der al gaauw oet: Of meneer der al ais aan docht har um de haile boudel te verkopen. Hai har noamelk n klant dai der dikke pries veur betoalen wol. n Haile dikke pries bleek al gaauw. Berend begunde der van te doezeln. Mor huil de boot toch of: Hai woonde hier zien haile leven. t Gevuil dat e der bie har, t plezaaier dat e nog van zien peerden har en altmoal van dat soort dingen. Moakeloar begreep t. De pries zol ook nog wel wat umhoog kxecnnen.

Berend schonk nog n moal kovvie in.

t Resultoat was oeteindelk, dat e over n poar doage nog ais weer kommen zol. Berend zol t der in tied mit zien zeun over hemmen. Um n laank verhoal kxf6rt te holden: De haile boudel wxf6r verkocht. Ook de peerden en aal zien raive.

Berend verhoesde noar n mooi hoeske in t dxf6rp. t Maiste geld brog e noar de bank, mor Klaas, zien zeun, kreeg ook n beste stuver. Dai har t goud hor, doar nait van. Mor wat mos Berend der aans mit. Der was nog ain probleem: Berend har gain riebewies. Dou e nog op t oal stee woonde har e zien oale trekker nog um ais n moal woaraargens hxe8n te rieden. Mor trekker was vot. En non har e dus aiglieks gain vervoer meer. En op zien leeftied nog n riebewies hoalen? Nee!

Op n dag kwam zien zeun langs. Hai har zuch n mooie nije auto kocht en dai wol e zien pabbe even zain loaten. n Haile mooie dikke BMW mit leren beklaiden. Maineg sportauto zol, as ter op aan kwam, snakde Klaas, t stoer hemmen um hum bie te holden. Berend was zwoar under de indruk.

x91Ik leuf dat ik mie ook n auto koopx92, zee e. x91Ach pabbex92 zee Klaas, x91joe hemmen ja gain riebewies. Koop joe din zon 45 kilometerauto.x92 x91Zon ding mag ik ja nait liedenx92, zee Berend. x91Och, wat kan dat schelen. En boetendes, joe goan ja toch noeit zo wied vot. En as t ais n moal neudeg is, dan bin ik der ook ja nogx92. x91Wie hemmen ter nog wel ais overx92.

Berend luip der um en bie n weke over te prakkezaaiern en dou was e der oet. Hai gung noar garageholder Zielstroa en vertelde hum wat zien plan was. Dai begunde te lagen en zee dat t nait kon. Mor Berend har der goud over noadocht en veegde de bezwoaren aal van toavel. Zielstroa bleef lagen, mor vond t wel n aibels mooi idee. Hai wus n bedrief in Stad. Messchain konnen ze doar wat veur Berend doun.

s Aanderdoags gungen Berend en Zielstroa mit zuch baaiden noar Stad tou. Doar begunde ook elk en aine te lagen um wat Berend wol. Mor t resultoat was dat ze doun zollen wat meugelk was. Woarschienlek kwam t wel goud. En goud kwam t.

Drai moanden loater belde Berend zien zeun op. Pabbe har zuch n auto kocht en of Klaas dai ook zain wol. Dat wol Klaas wel. Hai kwam der vot aan. Zien mond vuil open. Bie zien pabbe veur de deure ston n vuurrode sportwoagen. En gain gewone! Nee, der ston n echte Ferrari. De auto glom der over en pabbe ook.

x91Man, hou kxecnnen ie dat toch doun. Hemmen ie joen verstand verloren of zo?x92 Berend gnivvelde wat. x91Wost der even in rieden?x92 Joa netuurlek! Dat wol Klaas wel. x91Kroep mor achter t stuur, ik kom der wel noast zitten.x92 Klaas har nog veul te vroagen mor eerst wol e dizze dreumauto ais goud bekieken. x91Wel de gordels umx92, zee Berend.

Dou Klaas de rode sportgordels vast muik, vuil zien oog op de versnellingspook. x91Wat is dat veur ding?x92. x91Non, dat is hail makkelk. De V is veuroet en de A is achteroet. Ik heb mie der noamelk n automoat in zetten loatenx92. Klaas wus nait wat of e zeggen mos. x91Non, zet hum mor aanx92 zee Berend, x91sleudel zit der inx92.

Der kwam n roar prutteleg geluud oet. Nait het zwoare gegrom woar of Klaas op rekend har. Ook dou e t gaspedoal intrabde bleef t mor n miezeg gepruttel. x91Is dai motor wel goud?x92 x91Dai motor is net zo goud as dat e wezen mout. En non rieden! Mor veurzichteg aanx92. Klaas zedde de automoat in V en gaf gas. De auto begunde langzoam te rieden. Hai gaf n beetje gas bie. De teller kwam op roem vatteg kilometer. Nog meer gas. Plankgas! Twai knuppels op n plof reden heur veurbie. x91Dit klopt naitx92 zee Klaas en stuurde de auto de baarm in.

Hai keek zien pabbe vroagend aan. Dai zee dat e mor ais achterop de auto kieken mos. Klaas kraabde zich mit muite oet t leren stoultje en luip noar de achterkaande. Eerst zag e niks biezunders, mor dou vuil zien oog op n vaaierkanteg bordje. x9145 kmx92 ston der op. Klaas stikde hoast en mos zuch aan n boom vast holden van t lagen.

Zien pabbe kwam noast hum stoan en zee: x91Ik loat hum nog wel wat ophogen, want ik kxecn der hoast nait oet kommen.x92

BEREND II

t Is non n dik joar leden dat e zien 45 km auto kochde. Nait zox92n klain pruttelautootje. Nee, n echte Ferrari. Mor dan zodoaneg aapaasd dat e der zunder riebewies in rieden mxf6g. En mit n automoat. Veul makkelker ja as aal dat geschoakel. t Leek hail wat mor t was netuurlek niks. Hai har aaltied veul bekieks as e der mit bie de weg was. Lu mxf6zzen maisttied vrezelk lagen as ze t bordje 45 km zaggen. Mor veur Berend vuilde dat lagen de leste tied as oetlagen. Nait dat e doar ook mor n spier um gaf, mor t zedde hum wel aan te prakkezaaiern. En dat muik wat bie hum lxf6s. Tied veur wat nijs.

Um te begunnen nam e rieles. Zunder veul muite huil e zien riebewies. Zien instructeur von hum n netuurtalent. En dat was persies wat of e heuren wol en ook wat of e neudeg har. Garageholder Zielstroa zag Berend aankommen in zien sportwoagen. Wat zol e non weer willen? Dat wxf6r hum gaauw dudelk moakt!

x93k Wil mie n echte Ferrari kopen. Aine mit n fersounleke motor der in. Mit n automoat. Schoakeln vind ik nog aal niks. En t mout op t oog persies dezxf6lfde weden as dizzex94. Dat was nog al wat. Zielstroa kraabde zuk ais op kop en keek Berend aan. x93En huifst mie nait te begunnen over n riebewies. Dai heb k alx94, was Berend hum veur. Diekstroa begunde te lagen. x93Doe bist mie der aine. Hest t aal al weer oetdochtx94. x93Dou mie eerst mor n bak kovvie, dan proaten we der ais overx94, zee Berend.

Drei moand loater wast zo wied.

t Har Zielstroa veul tied en muite kost, mor hai har t wel veurmekoar kregen. Persies t zxf6lfde model as dij 45 km auto. En rood netuurlek. Oeterlek gain verschil. Mor under de motorkabbex85 joa, doar lag wel wat anders. Berend har drij doagen les had op t circuit en xe9cht rieden leerd. Hai was der kloar veur. t Sleudeltje umdraaien en gas geven. Hai kreeg noppen op zien aarms. Wat n geluud. Dit was wel wat andersx85

Eerst noar zien zeun. Of dij ook even mit wol noar taande Geessie, Berend zien zuster. Niks biezunders. Doar gungen ze wel voaker mit zuk baaiden hen. Albert har wieder niks um haands. Hai wol wel even mit. x93Mit mien autox94, zee e. x93Nee, ik rie, dus wie goan mit mienentx94. x93Mor wel n beetje kaalm aan henx94, laagde Albert en wxf6rmde zuk op pazzezierstoule. x93En kan dij radio nait wat zaachterx94. x93Nee, k mag der geern n beetje meziek bie hemmenx94. Albert luit zuk achterover zakken. Niks in de goaten.

Berend ree hail kaalm vot. Hou mxf6s e t zien zeun dudelk moaken van dij auto? t Zal wel touval west weden, mor dou Berend even loater veur t verkeerslicht stxf6n te wachten, kwam der n motor noast hum stoan. n Widde motor mit rode en blauwe strepenx85 Kirrel dij der op zat boog zuk veurover um in d auto te kieken. Geert.

Hij zag Albert zitten en begunde te lagen: x93Moi Albert, mien jong, magst even mit pabbe noar Duutsland? Even haard joagen op de autoboane?x94 Geert was der ook west dou Berend zien 45 km Ferrari kochde. x93Hest niks anders te doun as andere lu veur dx92odde te holden? Goa doe mor aan t waarkx94,  laagde Albert. Mor t gun nait van haarten. x93Of zullen wie even kieken wel of dammeet t eerste vot isx94, zee Geert. Berend keek wat zoereg en zee: x93Joa, dat is goud mien jongx94.  

Hai zedde zuk schrab. x93Hol die vastx94, zee e tegen zien zeun. Dij keek hum wat onneuzel aan mor zee niks. Berend har zien handen stief um t stuur. Albert har niks in de goaten. Radio nog op volle staarkte. t Licht wxf6r gruin. Geert keek opziet en zag nog net hou twij dikke strepen swaart rubber op de weg achterbleven dou Berend weg ree. n Roazend gebrul kwam oet de vaaier dikke oetloaten. Albert keek mit muite opziet noar zien pabbe.

Dij gierde t oet: x93k Heb hum n beetje opvoeren loatenx94.

Vot noa de twijde wereldoorlog was der aan alles gebrek. Ook aan plietsiemensen. Der mxf6s dringend nij personeel aannomen worden. En doar wxf6r netuurlek wel ais fouten bie moakt.

Ain van dij fouten was t in dainst nemen van Boele.

t Verhoal gaait dat n sollicitant zien doem op n gulden drukken mxf6s. As je de gulden dan nait meer zain kxf6nnen, was de sollicitant groot en staark genog en dus geschikt…

Under Boele zien doem was de gulden nait te zain.

Dat was ook zo west as der rieksdoalder legen har.

Groot, staark en nait te neuzel. Geschikt? Nee!

t Beste was um hum zo wied meugelk vot te stoppen. En dat deden ze op t leste ook.

Zie muiken hum arrestantenbewoaker.

 t Was woaraargens in de zeumteger joaren. Slim drok op de cellengaange. Aale cellen bezet. Verheurkoamers ook.

En zo as aaltied as t drok is, was der te waaineg personeel: Ain arrestantenbewoaker.

t Waark luip hum sikkom over de schounen.

Der was n avvekoat kommen dij mit zien clixebnt proaten wol. Naargens n koamertje vrij.

x93Joa mor, t is slim belangriek dat ik even mit hum proatx94.

x93Der is gain koamer vrij en ik kan mie gainent oet de bainen sniedenx94.

x93En toch mout ik even noar hum toux94, huil e de poot stief.

d Ainege meugelkhaid was dat e even bie zien clixebnt in de cel gung. Dat wol e wel. Ook dat deure dan op slxf6t gung. Hai was toch zo kloar en boetendes stxf6n zien auto bie n parkeermeter.

t Luip tegen drij uur in de middeg. d Oflxf6zzen, in de persoon van Boele, was der net inkommen.

Biezunderheden wxf6rren aan hum deurgeven.

Ain ding nait: t Bezuik van d avvekoat.

n Haalf uurtje loater. Boele was in t ketoortje en har net zien eerste bak kovvie inschonken. Hai lag achterover in stoule. Vouten op toavel.

Op t schoakelpaneel begunde t laampke van cel vattien te branden. t Zoemertje gung ook.

Boele zedde laampke en zoemer oet en begunde aan zien kovvie.

Cel vattien meldde zuk weer.

Mit zien doem op de spreekknobbe snaauwde Boele: x93Wat wostx94.

x93Ik wil der weer oetx94.

x93Dat willen ze hier aalmoalx94.

Ende van t gesprek.

Mor nait veur laank.

x93Ik wil der oet. Ik bin avvekoatx94.

x93Ik ook en doe most die de bek holdenx94.

Verbinden wxf6r weer verbroken. Rust. Kovvie.

Dou begunde der aine op n celdeure te haauwen.

En as der ain ding was woar of Boele nait tegen kxf6n, dan wast dat wel. Hai stoof op hoge poten de cellengaange op. Cel vattien.

Hai dee t loekje open en ruip: x93Nog ainmoal tegen dai deure aanhaauwen en k geef die n pak op penze, doe miesgaster. Ast der zo geern oet wost, most zxf6rgen dast der nait in komstx94.

t Loekje wxf6r dichtsmeten.

Het zal um en noabie n uur loater west weden, dat Geert kloar was mit t verheur van n inbreker.

x93Ik zet hum zxf6lf wel weer in zien celx94, zee e tegen Boele en luip de gaange op.

Boele von t allaank goud.

Dou d inbreker weer achter d iezern deure zat, heurde Geert geklop oet cel vattien.

Hai dee t loekje open en vruig wat of der was.

Kirrel in de cel vertelde dat e avvekoat was. Hou of e in dij cel trechte kommen was en hou of de communicoatsie verlopen was. Hai wol der wel geern weer oet.

Boele wxf6r der bie hoald.

x93Dan hast mor zeggen mouten, dast avvekoat wastx94.

x93Dat heb ik ja zegdx94.

x93Lugstx94, was Boele zien leste woord.

Geert het dou nog n haile zet mit de man proat um hum rusteg te kriegen.

Grammiedeg luip d avvekoat loater t bero oet.

t Was zien dag nait. Binnen vief minuten stoof e t bero weer in. Geel braifke in d haand.

Zeker te laank bie de meter stoan.

Jan Hoiting

Stilstoan bie t graf

van mien opa en

mien oma en mien

ome Geert en elk

en aine dai ik ken.

Dai hier liggen heur

je nait. Mit dai

hier lopen vuil ik 

mie verbonden, mor

ken ze nait van noam.

Hier woont de dood,

hier broest het van

t leven. Hier vuil ik 

rust en wizzeghaid

van mien bestoan.

t Is n moal of wat gebeurd dat keunegin veur ain of ander twijdoags waarkbezuik onze pervinsie aan dee. Zie bleef dan sloapen in d ambtswoning van heur commesoares. Dai was der op insteld en har aaltied n koamer veur heur in xf6dder.

Veur heur vaaileghaid wxf6r plietsie van t Stad inzet. Twij man in n veurkoamer mit zicht op veurdeure en twij man in t toenhoeske achter t hoes.

Plietsie was der ook wel ais in hoes in tieden dat der n bepoalde draaigen bestxf6n ten aanzain van d commesoares zxf6lf. Ik nuim Wijster en De Punt. Dan waiten joe t wel.

Der wxf6r aaltied goud veur d plietsie zxf6rgd. Zo stxf6n in d veurkoamer op d grode ronde toavel aaltied vrizze kovvie en n grode tromme mit roombotterkoekjes.

Der luip ook n hondje in hoes. Trix. Mor zuneg n txf6rf hoog. Vraauw van d commesoares zee dat t baist aiglieks gain koekjes hemmen mxf6g. En as t n moal aine kreeg, dan wxf6r dat aaltied mit d rechterhaand geven. Links wol Trix t nait aanpakken, vertelde ze groots.

Vanoavend zol d keunegin der ook sloapen. d Haile dag zat der al plietsie.

Der vuil niks te doun as kovviedrinken. En dat is nait goud, dan slag d vervelen tou.

Trix kwam of en tou even kieken. Dan kreeg ze n koekje. Eerst oet d rechterhaand. Dou, noa wat muite, oet d linker. Trix was n loos daaier en leerde vlxf6t. As aine in d loop van d middag zien haand noar de tromme oetstak, vloog Trix bovenop d toavel, wachtte tot deksel der xf2f gung en begunde der as n zwien in te vreten.

s Oavends kwam d keunegin. Commesoares was bie heur. Zien vraauw luit heur der in. Deure van d veurkoamer stxf6n op n gloep.

x91Komt u binnen, majesteit. Uw kamer is in orde en uw bagage is al naar boven gebracht.

Mag ik u nog een glas wijn en wat te eten aanbieden in onze woonkamer?x92

Dat wol majesteit wel, mor zie wol zuk eerst even wat opknappen.

Trix was der ook bie.

x91Wat een leuk hondje heeft ux92, zee majesteit.

x91Ja, dat is onze Riks. Echt een schatx92.

x91Riks? Wat een bijzondere naamx92.

x91Ach ja, we hebben haar van een oude mevrouw gekocht voor 25 gulden. Die mevrouw sprak nog in termen van rijksdaalders. Dus we kochten haar voor tien rijksdaalders. Tien riksen dusx85x92

Plietsiemannen heurden t mit verboazen aan.

Majesteit von t hail mooi.

x91En ze is zo slim. Een koekje pakt ze alleen uit de rechterhand aan. We zullen haar straks eentje gevenx92.

Dou majesteit n ketaairtje loater weer beneden kwam ruip vraauw van d commesoares in ains hail haard: x91Trix, wat doe je noux85!!!x92

Zie was d noam Riks bliekboar al weer vergeten. t Hondje vloog mit n noodgang

d veurkoamer in en kroop doar bie heur kammeroaden van d plietsie under d toavel.

Wat der in d woonkoamer zxe8gd wxf6r is nait bekend worden. Mit d koekjes was t xf2flopen.

Haalf meert. d Koale was eindelk n beetje oet d lucht. Zunne scheen en hai har der zin in.

Vannommerdag um vaaier uur har e mit zien vraauw n ofsproak bie n moakeloar. Zie wollen heur twij under ain kap verkopen. Zie harren noamelk wat anders op t oog: n mooie vrijstoande woning mit n grode toene. Vlak bie t Stad. Hai was der net nog even langs reden en zag zuk der al wonen.

Mor plietsieman Geert har eerst nog dainst. Tot drij uur. Hai ree op motor over d A7 richting Winschoot. Kaalm aan en uterst rechts, zodat andere weggebroekers gain last van hum harren. Kxf6n e mooi ais kieken wat hum zo aal veurbie kwam.

Hai was net Zuudbrouk veurbie dou e inhoald wxf6r deur n dikke swaarte BMW.

d Auto ree nait zo vrezelk haard, mor wel roem boven d 120. Geert gaf wat gas bie en bleef der achter rieden. Hai klokde d auto op 135 kilometer. Chauffeur ree n parkeerploatse op. Geert ook. Hai zedde zien motor achter d BMW.

d Auto stxf6n nog mor zuneg stil of der stapde al n kirrel oet. Groot, n joar of vatteg, gries pak.

Geert dee zien helm xf2f. Kirrel begunde vot tegen hum te proaten.

x91Zo, hemmen ie weer n slachtoffer vonden. Man, wat mekaaiert joe toch. k Ree mor zuneg te haard. Of hemmen joe dizze moand nog nait genog bekeurens in joen boukjex92.

x91Ook goidagx92, zee Geert. x91Nee zo veul te haard reden joe nait. Joe reden 135×92.

x91Levensgevoarlek dus wat of k dee. Vieftien haile kilometers te haard, man, man, manx85

Joe willen zeker promotie moaken. Vrezelk geern van dai motor xf2f netuurlek. En dan d haile dag lekker achter n bero zitten en joe zxf6lf vol kovvie zoepenx92.

x91k Verstoa alles wat joe zxe8ggenx92, zee Geert. x91En joe reden inderdoad vieftien haile kilometers te haardx92.

x91Hemmen joe niks beter te doun as haard waarkende lu zo as ik te bekeuren. Goa mor achter moordenoars en verkrachters aan. Dan doun joe beter waark as dat miezege bonnen schrievenx92.

x91k Zal joe zxe8ggen hou of k der over denkx92, zee Geert.

x91Lu dai ik n bonne geef hemmen em verdaind. In d eerste ploats umdat ze wat doan hemmen wat nait mag. In d twijde ploats deur heur holden en gedrag, zodat ik mit n goud gevuil mien handtaiken op n bonne zetten kan. k Wol mor zxe8ggen, dat ze mien bonne mit weerd weden mouten. En dat binnen joe nait. Joen holden en gedrag binnen in mien ogen zo min, dat k wieder niks mit joe van doun hemmen wil. Goidagx92.

Geert draaide zuk um en zedde zien helm weer op.

x91Joa, mor zee kirrel, zo bedoul ik dat non ook weer nait. k Wil wxe9l dat je mie n bonne gevenx92.

x91Nee, joe hemmen de bonne nait verdaind en binnen em ook nait weerdx92.

x91Ik bin van mainen dat k em wel verdaind heb. Geef mie em mor!x92

x91Neex92.

En vot was e. Kirrel bleef verbaldereerd achter.

Dou Geert dai middag bie hoes kwam was t gaauw even umtrekken en dou mit zuk baaiden  op pad noar t moakeloarskantoor.

Veur t kantoor n stxf6n n swaarte BMW.

Moakeloar stxf6n heur in zien grieze pak al op te wachten.

Dou e Geert zag wxf6r e rood tot in zien nekkex85

235

Geert zien schoonmoeke woonde in t westen van t laand. n Moal of wat in t joar gung e doar mit zien vraauw hen. De leste joaren reden ze maisttied op ain dag hen en weer. Dat was wel n hail gejoag mor um doar te overnachten was veur t oal mens ook zon gedou. En t wxf6r heur ook wat te veul. Nait dat ze dat zee, mor Geer zien vraauw vernam dat wel aan heur moe.

Vandoage, n mooie zunnege dag in juli, warren ze der ook weer hen west. t Was n uur of aachte. Zie warren net Lemmer veurbie en rechts van heur kwam t Tjeukermeer in zicht. Der was hoast gain verkeer. Geert ree zon 120 kilometer in t uur. Zie harren der vandoage al weer 400 kilometer opzitten. Hai wol mor dat ze weer bie hoes warren. t Was verlaaidelk um wat haarder te rieden non t zo rusteg bie de weg was, mor hai har gain belang bie n bekeuren veur te haard joagen.

In zien spaigel zag e, dat wied achter hum, op de linkerboane, n swaarde auto ree. Dou e n poar tellen loater weer keek, was e al vlakbie. n Dikke BMW. n Eindje der achter ree n grieze Audi. Zie vlogen hum mit n noodgang veurbie. Dik boven de 200, volgens Geert. Zai wel, doch e. Dat mxf6s ik ais doun. k Zol binnen de kxf6rstste keren de plietsie achter mie aan hemmen en n dikke bekeuren kriegen. De remlichten van baaide autoxb4s gungen aan. n Eindje wieder reden ze n perkeerploatse op. Geert wxf6r nijsgiereg en ree der op of.

Hai zedde zien auto stil en stapde oet. n Eindje achter de baaide andere woagens. Zien vraauw bleef zitten mor keek benijd tou. Oet de BMW kwam n kirrel in n gries pak. Hai kwam Geert voag bekend veur. Kirrel luip noar de Audi. Doar kwammen n man en vraauw oet. Baaide in n widde bloeze en n blaauwe boksem mit n swaarde bies. Vraauw har n bonnenboukje in d haand. De kirrel in t grieze pak begunde onmiddelk te bandiezen of ze niks anders te doun harren. t Was vrezelk stil bie de weg, hai dee gain mens kwoad, har de haile dag haard waarkt en de echter misdoadegers luipen in tied vrij rond. Lu oet de Audi wxf6rden der nait hait of kold van. x93Ik zal joe dit zeggenx94, zee d vraauw, x93As ik joe was, zol ik mie nait zo drok moaken. Bel mor aine dai joe hier vot hoalen kan. Doar schaiten joe meer mit op as mit dat geroup en gebxf6lkx94. x93Nait neudeg, ik kan zxf6lf wel rieden. Schrief dai bonne mor oet, dan kan ik weer wiederx94. x93Ik wil wel leuven dat joe zxf6lf wel rieden kxf6nnen, mor zunder auto wordt dat n haile toer. Joen auto wordt non noamelk inbeslagnomen. Over n dag of wat heuren joe wel of joe hum weer kriegen of nait. 235 kilometer in t uur is net n beetje te haard veur gewoon n bonne. En veur joen riebewies geldt t zxf6lfde verhoalx94.

Kirrel ontplofde bienoa. Hai huil zuk inains in dou e Geert stoan zag. Hai kwam hum bliekboar ook bekend veur. Hai zee wat tegen de baaide plietsiemensen wat Geert nait verstoan kxf6n. Dij keken dou ook noar Geert, mor zeden niks. Dou Geert vot ree stoken ze d haand op. Kirrel van de BMW nait. Achter de veurroede van de Audi knipperde nog aal t bordje Stop Politie. 120 kilometer vuilde inains haard genog.

Annie woonde allain in heur bovenwoning in t Stad. Dat wil zxe8ggen s nachts. Overdag kwam der genog volk over de vlouer. Bie Annie was t aaltied een soort zuide inval. Aale drankxf6rgels oet de buurt wuzzen heur te vinden. Tenminste as der wat te zoepen was. En doar zxf6rgde ze wel veur. As der geld was tenminste. De huur en t gas en licht wxf6r betoald deur d Socioale Dainst. Non ja, t wxf6r inholden van heur oetkeren. Doar har ze dus gain umkieken noar. Van t geld dat ze kreeg kxf6n ze bosschoppen doun. Dat wil zxe8ggen of en tou n stoede en wat keze. En geregeld netuurlijk n moal wat van d patatkroam. Wieder veurnoamelk drank. Bier en jannever.

Annie huil der nait van um allain te weden. En zie wus ook wel dat as der gain drank in hoes was, dat der dan ook gain aine kwam. Mor dat betaikende nait dat ze der zxf6lf in spaaide. Nee, zxf6lf lusde ze ook wel wat.

Ze luip al tegen de zestig. Was noeit traauwd west. Zie har ain kind, mor doar har ze gain ketakt mit. Al joaren nait. En mit heur verdere familie ook nait. Zie schoamden zuk aal n beetje veur Annie.  Dat wus ze wel, mor zie kxf6n der niks aan doun. Dit was heur menaaier van leven.

Bie Annie was de grui al vroug tot stoan kommen. Vanof n joar of twaalven was t oflopen. Zie was dan ook amper ain meter viefteg en woog nog gain vatteg kilo. Alles was wel in d goaie verholden, mor zie was gewoon klaain. Elk en aine nuimde heur Pipi. Want zie har ook nog ais vuurrood hoar.

Van waarken huil Annie nait. d Hoesholden kxf6n heur niks schelen. De holten vlouer bakde zo van aale bier en jannever en van de vettighaid dat lopen der op n haile toer was.

Op d dag dat heur oetkeren betoald wxf6r en de doagen doornoa was der aaltied de maiste touloop. Umdat der dan de maiste drank in hoes was netuurlek. Um n uur of tiene stommelden d eersten d trabbe dan op.

Veurdeure stxf6n altied aan, dus elk en aine kxf6n zo deur lopen.

Op ain zon betoaldag, in maai, was t ook weer hail gezellig. Allain Gerrie dee wat vrxf6md. Hai zee noeit veul, mor non zee e hailemoal niks. Hai har ook mor n stuk of drij borrels had. Gerrie was van de jannever. Bier von e niks. Gain aine wus zien leeftied, mor hai zag der veul oller oet as dat e woarschienlek was. Dat kwam deur d drank. Meschain wus e zxf6lf ook nait meer hou old of e was. Deur t zoepen wus e boetendes nait veul meer. Wat e wel wus, of meschain gewoon vuilde, was wanneer Annie jannever in hoes har. Dus dan kwam e altied even op veziede.

Zunder wat te zxe8ggen was Gerrie weer votgoan. Zie luiten hum mor. Ook zunder Gerrie bleef t gezelleg. Dat was t ook nog dou Willem der haalf uurtje loater in kwam. Ook Willem zien hazzens warren in d loop van joaren aantast deur d jannever. Hai vruig woarum of Gerrie beneden in t halletje tegen veurdeure aan lag.

x91Gerrie?x92 zee aine. x91Dai is al n haile zet votx92.

x91Waist doe woarum of e doar ligx92 vruig Willem aan Annie. Nee, dat wus ze nait. En zie har ook gain tied um te kieken, want zie har net n nije vlezze bier in d hand.

x91Is e boeten kennis?x92 vruig Annie.

Volgens Willem was dat zo. Hai keek Annie dommeg aan. Hai wus mit gain meugelkhaid wat e der mit aan mxf6s, mor hai vuilde zuk toch wel n beetje verantwoordelk. Annie kreeg meedlieden mit hum.

x91Waist watx92 zee ze x91goei hum mor n bak woater in zien bek, dan komp e wel weer bie. Der staait wel n moade op t aanrechtx92. Annie huil nait van haalve moatregels en was n beetje roeg worden in heur menaaier van proaten.

Hier har Willem wat aan. Non kxf6n e wat doun. d Andern kwammen nait van heur stee. Willem luip mit d moade vol woater noar beneden. Hai legde Gerrie op zien rugge. Mit ain hand huil e Gerrie zien mond open en mit d andere hand goot e d moade leeg. Persies zo as Annie zxe8gd har. Behaalve dat Gerrie een poar moal vrezelk schokde, gebeurde der niks.

Noa n uurtje ging Annie ook mor ais kieken. Gerrie keek stief umhoog, mor zag schienboar niks. t Leek heur nait goud.

Zie tikde hum tegen zien waange en ruip x91Gerrie, Gerrie zxe8g ais watx92. Mor Gerrie zee niks. Dou nait en noeit nait. Gerrie was dood.

Plietsie wxf6r beld. Geert dee t underzuik. Soamen mit Henk. Doagen waark hemmen ze der van had. t Perses-vanboal is nog n hail boukwaark worden.

d Zoak is noeit veur d rechter kommen. Der was wat mit verstandelke vermogens van d lu dai

der bie betrokken warren.

Gerrie wxf6r in stilte begroaven. Gerrie zien femilie was der nait. En Annie nait. En heur gezelschop drankxf6rgels ook nait.

Geert en Henk warren der. En twij ambtenoaren van d Socioale Dainst.

En gain bloumen.

ANNIE (2)

Der was hoast n haile weke gain bezuik west bie Annie. Te veul dak op t hoes. Te veul plietsie in verband mit t underzuik noar t overlieden van Gerrie. Drankxf6rgels en plietsie akkedaaiern maistied nait.

Mor dou gung t weer lxf6s. Over Gerrie wxf6r nait meer proat. Zxf6lf har e ook ja hoast noeit proat. En zie wuzzen aalmoal dat Gerrie nait under aan d trabbe legen har umdat e oetdreugd was. Zoveul drank as dai al had har! Dat was nait goud veur t lichoam. Dat wuzzen ze aalmoal. En wat der mit Gerrie gebeurd was kxf6n heur ook overkommen. Non ja, dan hemmen we t netuurlek nait over de actie van Willem mit zien moade vol woater.

Mor non warren ze der weer. Alles under t motto: het leven gaait deur en drank mout stromen. Zo is t non ainmoal.

Zie harren n mooie tied, dai zxf6mmer. En slim gezellig.

In augustus was t inains stil in en um de woning van Annie. Gain touloop meer. Gain gebxf6lk en geroup. En d buren zaggen Annie ook nait. Dat duurde zo n poar weke. Dou belde ain van d buren d plietsie mor ais. Dai kwam.

t Warren dezxf6lfde twij mannen dai ook kwammen dou Gerrie overleden was. Geert en Henk.

Veurdeure stxf6n aan. Net as aaltied. Zie belden aan. Drai moal. Gain reactie. Roupen. Nog gain reactie. Dou gungen ze mor noar binnen. Der was gain mxe8ns. t Zag der aal toamelk gewoon oet. Deure noar t balkon kon nait open. Der zat n gat in d roede. Net groot genog um n jannevervlezze deur te goeien. En dat was ook wel gebeurd. 

t Balkon lag tot de raande tou vol mit lege jannevervlezzen.

Noar d sloapkoamers boven. Der stxf6nnen wel n poar bedden, mor op gain aine lag beddegoud. Hail vrxf6md aalmoal. In n inloopkaaste lag n dikke bult beddegoud. Wel n meter hoog. Geert en Henk keken mekoar ais aan.

Zie zeden niks mor dochden t zxf6lfde. t Was nait t mooiste waark, mor t mxf6s toch gebeuren. Geert schoof mit d punt van zien schoune d underste deken n beetje opx85

Annie overleefde Gerrie mor zuneg drij moand. n Stuk of wat drankxf6rgels harren heur op n mxf6rgen vonden en wuzzen nait wat of ze der mit aan mxf6zzen. Zie hemmen heur in d inloopkaaste legd en aal t beddegoud over heur hxe8n goeid. Gain aine kwam der dou nog weer in hoes.

Dezxf6lfde ambtenoaren warren op d begravvenis. Geert en Henk ook.

Gain van heur kammeroaden.

En ook veur Annie gain bloumen.